చింతలులేని సుఖజీవనము సిధ్ధింపగవలయు
ఆనందముగా హరిభక్తులతో నాడిపాడ వలయు
శ్రీనారాయణ తత్త్వచింతనము చేయుచుండ వలయు
మానక నిత్యము హరికార్యంబుల మసలుచుండ వలయు
మానవజీవిత పరమార్ధమిదే మరువకుండ వలయు
పరమేశ్వరుడగు హరియిచ్చినదే పదివే లనవలయు
పరమకృపాళువు హరికృపనే యెద భావించగ వలయు
పరమాద్భుతములు హరిచరితంబుల చదువుచుండ వలయు
హరి కెవ్వరును సరిరా రన్నది మరువకుండ వలయు
తరుణులకొఱకై ధనములకొఱకై పరుగు మానవలయు
పరులమెప్పుకై వెంపరలాడక హరిని కొలువ వలయు
హరి మెచ్చినచో నదియే చాలని నెఱనమ్మగ వలయు
హరిమయమే యీ జగమంతయు నని మరువకుండ వలయు
జపము స్థానంలో స్మరణ జపముకు నియమములు కలవు
రిప్లయితొలగించండిపరమార్థంబని
హరిచరితంబుల అని ఉంటే బాగుండు ననిపిస్తున్నది
జపము బదులు స్మరణ అని మార్చటం మంచి సూచన. మార్చాను.
తొలగించండి