వేడుకొనరే మీరు విష్ణుమూర్తిని
వేడుకతో భవబంధ విముక్తిని నేడే
రాముడని వేడేరో రాజీవనేత్రుని
శ్తీమంతుని వేడేరో శ్రీకృష్ణుడా యని
కామించక యే లౌకికముల ననురక్తితో
ప్రేమతో మోక్షమే వేడరే నేడే
వేడిన వారికెల్ల విభుడు మోక్షమిచ్చును
వేడక మీరేమిటికి వెఱ్ఱులయ్యేరో
నాడు నేడు శ్రీహరిని నమ్మిన వారెల్ల
వీడరే భవచక్రము వేడరే నేడే
భూమికిక రానేలా పొందనేల దుఃఖములు
పామరులై తిరిగేరో పదివేలయుగములే
స్వామీ యికచాలునని చక్కగా వేడితే
ఆమోక్షము సిధ్ధించు నందుకే నేడే
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.