శ్రీరాముని దయ మనకు సిధ్ధించు గాక
ఆదిదేవుడైన హరి అమితదయాశాలియై
ఆదిత్యుని వంశమున నతిముదంబున
ఆదైత్యు రావణుని అతిశయము నణచగా
మేదినిపై పుట్టిన మిక్కిలి శుభదినము
మానవులకు ధర్మపథము మానుగ బోధింపగ
దానవారి శ్రీహరి దయాశాలియై
మానవుడై త్రిజగన్మంగళాకారుడై
పూనుకొని పుడమిపై పుట్టిన శుభదినము
భక్తసులభుడైన హరి పరమాత్ముడు నిజ
భక్తులకు మిక్కిలిగ ప్రసన్నుడగుచు
ముక్తిప్రదుడైన రామమూర్తియై వరదుడై
భక్తులగు మనకొఱకై వచ్చిన శుభదినము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.