3, నవంబర్ 2017, శుక్రవారం
చిక్కులన్ని తీరునోయి చింతలన్ని తీరునోయి
చిక్కులన్ని తీరునోయి చింతలన్ని తీరునోయి
చక్కగ శ్రీరామసేవ సలుపుచుండ వోయి
దిక్కులేని వారి కేమి దిక్పాలకుల కైన
చక్కనయ్య శ్రీరామచంద్రుడే దైవము
తక్కుంగల దేవతల నిక్కి గొల్చువారి
కెక్కడి దయ్యా శాంతి యెక్కడిది ముక్తి
శ్రీకంఠవాగీశపాకారి వినుతుని
లోకోత్తరుని సకలలోకాధినాథుని
లోకసంసేవ్యుని సాకేతవల్లభుని
శ్రీకరపాదయుగళి సేవించవలయును
పట్టాభిరాముడే పరమాత్ము డన్న మాట
పట్టని వారి కింక పుట్టగతులే లేవు
చిట్టచివరిదాక శ్రీరామపాదములు
పట్టుకొన్న నింక పుట్టుపనియే లేదు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.