1, నవంబర్ 2017, బుధవారం
వేదాంతమును గూర్చి వినిపింతును
వేదాంతమును గూర్చి వినిపింతును మీకు
వేదవేద్యుని గూర్చి వివరింతును
భేదత్రయము లేక వెలుగొందు బ్రహ్మమే
యాదిపూరుషుడు శ్రీహరి నాబడు చుండు
ఆ దివ్యతత్త్వపరివ్యాప్తిలో విశ్వంబు
కాదొక్క సూక్ష్మాంశ కన్న నధికము
హరిని జొచ్చియున్నదీ యఖిలవిశ్వంబును
హరిచొచ్చి యున్నవా డఖిలచరాచరముల
పరమమమైన మాయచేత భావించరామి గాక
హరియంశలేని దొక్క యణువైన లేదు
ఆ వేదవేద్యుడు హరి యవతరించి రాముడై
భావింప పరమధర్మ పధము విస్తరించెను
కావున నరులార గడచుడీ మాయను
దేవుడా రామునిటు తెలిసి యుపాసించుచు
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్లు లేవు:
కామెంట్ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.