22, జూన్ 2012, శుక్రవారం

వేసములు వేనవేలు వేసివేసి విసివితిని

వేసములు వేనవేలు వేసివేసి విసివితిని
మోసపోతిని ప్రకృతి మూలమెరుగ లేనైతిని

నానా యాతనలు పడితి నల్పబోగములకు యే
మైనను ఒక సుఖమును మాట లేదు నాకు

గాసిలి నను బ్రోవమని కడకు నిన్ను వేడితిని
నీ సరి వారెవరు లేరు దాసపోష శరణంటిని

నేను నీవు నొకటనే నిశ్చయమున్నది గనుక
మానక నా యార్తి దీర్చు మాయ బాపు మంటిని

3 వ్యాఖ్యలు:

  1. గౌరవనీయులు శ్యామలీయం గారికి, ఈ కవితలో ఆఖరి పదం నాకు మహా బాగా నచ్చింది.ఎన్నెన్నోఅర్థాలు స్ఫురిస్తున్నాయి.

    నేను నీవు నొకటనే నిశ్చయమున్నది గనుక
    మానక నా యార్తి దీర్చు మాయ బాపు మంటిని
    ఎ.శ్రీధర్

    ప్రత్యుత్తరంతొలగించు
  2. చాలా బాగుంది శ్యామల రావు గారూ!
    నేను నీవు నొకటనే నిశ్చయమున్నది గనుక
    మానక నా యార్తి దీర్చు మాయ బాపు మంటిని,,,
    @శ్రీ

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.