19, జూన్ 2012, మంగళవారం

ఇదే ఇదే వచ్చితిరా ఇక నీవే చాలునురా

ఇదే ఇదే వచ్చితిరా ఇక నీవే చాలునురా
సదయా నీ సన్నిధిని వదిలేది లేదురా

నీదు మధురమధుర వచోమకరందము గొన వచ్చితి
నీదు చంద్రప్రభాధవళదరహాసము కన వచ్చితి

నీదు కృపామృతసరసిని జలకము లాడగ వచ్చితి
నీదు పాదసరోజముల కనుల కద్దు కొనవచ్చితి

నీదు చెలిమి కోరి జగము నెల్ల విడిచి యిటు వచ్చితి
నీదు కలిమి కోరి నన్ను విడువ వని యిటు వచ్చితి

4 వ్యాఖ్యలు:

  1. గౌరవనీయులైన శ్యామలీయం గారికి, నమస్సులు
    మీకవిత చాలా బాగుంది. ముఖ్యంగా ఈ క్రింది పదాలు
    చాల అర్థవంతంగా ఉన్నాయి !

    నీదు చెలిమి కోరి జగము నెల్ల విడిచి యిటు వచ్చితి
    నీదు కలిమి కోరి నన్ను విడువ వని యిటు వచ్చితి

    ప్రత్యుత్తరంతొలగించు
  2. నమస్కారం శ్రీధర్ గారు. శ్యామలీయం బ్లాగుకు సుస్వాగతం.
    మీకు యీ గీతం నచ్చినందుకు చాలా సంతోషం.
    ఈ శ్యామలీయం బ్లాగులో దాదాపు 70 కవితలున్నాయి.
    దయచేసి వాటిపై కూడా మీ అమూల్యాభిప్రాయాలు తెలియజేయవలసినది.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.