19, జూన్ 2012, మంగళవారం

ఇదే ఇదే వచ్చితిరా ఇక నీవే చాలునురా

ఇదే ఇదే వచ్చితిరా ఇక నీవే చాలునురా
సదయా నీ సన్నిధిని వదిలేది లేదురా

నీదు మధురమధుర వచోమకరందము గొన వచ్చితి
నీదు చంద్రప్రభాధవళదరహాసము కన వచ్చితి

నీదు కృపామృతసరసిని జలకము లాడగ వచ్చితి
నీదు పాదసరోజముల కనుల కద్దు కొనవచ్చితి

నీదు చెలిమి కోరి జగము నెల్ల విడిచి యిటు వచ్చితి
నీదు కలిమి కోరి నన్ను విడువ వని యిటు వచ్చితి