11, సెప్టెంబర్ 2016, ఆదివారం

ఇదియే మేలని నీవంటే నాకదియే చాలని నేనంటా



ఇదియే మేలని నీవంటే నా
కదియే చాలని నేనంటా

వదలక తెలతెలవారున దాదిగ
సదమలతారకసన్మంత్రమునే
మదిలో దలచుచు మరిమరి మురియుచు
సదయా చక్కగ శాంతుడ నైతిని
ఇదియే

భవసాగరమున పడి యీదుచు నే
నవలంబించిన దగు నీ నామము
భవతారకమగు భవ్యనౌక యని
నవలియొడ్డు కననగు నని తలచితి
ఇదియే

కోరికలన్నిటి కూల్చి నిలచి సం
సారమోహమును చక్క నదిమితిని
శ్రీరామా నిను చేరి నమ్మితిని
తారకనామము దాల్చి నిలచితిని
ఇదియే


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.