నమ్మితే కలడు నీకు

నమ్మితే కలడు నీకు నారాయణుడు నీవు
నమ్మకున్న నీకు కలడు నారాయణుడు

నానా దిక్కుల గలడు నారాయణుడు తాను
నానా జీవుల గలడు నారాయణుడు
జ్ఞానరూపు డైనట్టి నారాయణుడు సృష్టి
లో నిండియున్నాడు కానరాకుండ

నామరూపముల కవలి నారాయణుడు కోటి
నామముల వెలుగొందు నారాయణుడు
నామరూపములు దాల్చి నారాయణుడు సీతా
రాముడై వచ్చె లోకరక్షణార్ధమై

ధారాళమైన సుఖము నారాయణుడు నీకు
కోరినంతగా నిచ్చు నారాయణుడు
వైరాగ్యము గలవారికి నారాయణుడు వారు
కోరునట్టి ముక్తినే కొసరెడు వాడు