సేవించే మాకు శుభములీవయ్య సీతారామ

సేవించే మాకు శుభము లీవయ్య సీతారామ

నీవారమే కాదా నిరుపమగుణధామ

రాగము ద్వేషమున్న ప్రాణులమయ్య మేము

బాగొప్ప నీసేవ పచరించుచున్నాము

ఆగక మానాల్క లన్నియు చాలా యను

రాగముతో బల్కు రామా నీ నామమును

మామంచిచెడు లెఱుగు మంచి వాడవు నీవు

మామీద కరుణకల మాదేవుడవు నీవు

రామయ్య నినునమ్మి మేముంటి మిక నీవు

తామసహరణ దశరథాత్మజ కావవయ్య

కలికి మే మూడిగము సలుపుట కల్లమాట

కలిని మే మెదిరించ గలుగుట యును కల్ల

కలియు నిన్నెదిరించ గలవాడా రఘురామ

కలిని నీ వణగించి కాపాడ వలయును