నరుడా శ్రీరాముని నమ్ముట నీయిష్టము
మరి నేను నమ్మనంటె సరే నీయిష్టము
నమ్మని వారితోడ నమ్మువారు వాదించి
నమ్మించ వచ్చునో నయముగా నట్టుల
నమ్మించ రానిచో నరులీ విషయంబున
నిమ్మహి కలహించి యేమిలాభము
హరిని కొలిచితే మోక్షమని కొందరి నమ్మకము
హరియే లేడు లేడని కొందరి మతము
మరి నీమతము నీదే మామత మది మాదే
ఉరక కలహించ నేముండు లాభము
జీవుని ప్రయాణమే చిత్రమైన ప్రయాణము
దేవునకై వెదకునో దేనికై వెదకునో
జీవునకు స్వేఛ్ఛగా చేయగ నగును కాన
ఈవిషయమున వాదు లేమి లాభము
