శ్రీరామ జయరామ సీతారామ

శ్రీరామ జయరామ సీతారామ

ఘోరభవార్ణవ తారక నామ



చిన్ని నవ్వుల రామ సీతారామ

నన్నేలు వాడవు నాతండ్రి రామ

ఎన్నెన్ని జన్మల నెత్తితి రామ

నన్నేల రక్షించ కున్నావు రామ



వాడవాడల గుడుల పట్టాభిరామ

వాడని సత్కీర్తి భాసిల్లు రామ

వేడిన రక్షించు వాడవు రామ

నేడైన ననుదయ చూడుము రామ



మనసార నినుగొల్చు మనుజుడ రామ

నినునమ్మి యున్నాను నిజము శ్రీరామ

ఇనకులాంబుధిసోమ ఇకనైన రామ

ననుదయజూడుము నాతండ్రి రామ