దేవుడవని మొన్ననే తెలిసికొంటిని

దేవుడవని మొన్ననే తెలిసికొంటిని కావుమని నిన్ననే వేడుకొంటిని ఈవేళ వత్తువని వేచియుంటిని నీ వేవేళకు వత్తువో తెలియకుంటిని
కబురు చేయుదమంటే కనబడరే నా కెవరూ కబురు పంపుటకు నీకు కనబడలేదా ఎవరూ గుబులాయె రామ ఈ జీర్ణకుటీరము నీకు సబహుమానముగ తగిన స్వాగత మిచ్చేనా	॥దేవుడవని॥
గొప్పగొప్పవారు నిన్ను కొలువ వైకుంఠములో తప్పనిసరి పనుల మధ్య తలమునక లైతివో ఎప్పటికి వీలు చిక్కి యిటు వచ్చెదవో రామ అప్పటికే జీర్ణకుటిని ఆరగించు కాలము	॥దేవుడవని॥
వేదాంతిని కాను నేను విద్యలేవి నేర్వలేదు నీ దారితెన్నులను నేనెఱుగ నేనెఱుగ ఓ దయామయ నమ్మి యున్నాను వత్తువని వేదన లడలించవయ్య విచ్చేయ వయ్య రామ	॥దేవుడవని॥