| నా సంగతి చక్కగ నెఱుగుదువు నీ సంగతి కొధ్దిగ నెఱుగుదును ఈ సంగతి జగ మేమెఱుగునయా ఓ కోసలరాజసుతాతనయా |
|
| నను పట్టిన మాయను వదలించి చనవిచ్చి మహాధ్భుత సత్పథము కనజేసిన స్నేహితుడవు నీవు నిను జేరి ప్రశాంతుడ నైతిని లే |
నా సంగతి |
| నను లోకము మెచ్చును మెచ్చదుపో తనియంగను క్రుంగను పనిగలదే నను నీ పదసన్నిధి చేర్చితివి నిను జేరి ప్రశాంతుడ నైతిని లే |
నా సంగతి |
| శరణాగతుడగు జీవుడ నేను కరుణామయుడవు దేవుడ వీవు అరుదైనది మన యీ చుట్టరికం తిరమైనదిలే నీ పెద్దరికం |
నా సంగతి |
23, ఆగస్టు 2015, ఆదివారం
ఓ కోసలరాజసుతాతనయా
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
రిప్లయితొలగించండికోసల రాజ సుతా తనయా :)
బాగుందండీ ఈ కొత్త పద ప్రయోగం !
రాములవారు కరుణామయుడవు దేవుడే నంటారా :_) ఏదో యెహోవా గుర్తు కోస్తుంటే నూ ....
జిలేబి
మనకు 'కౌసల్యాసుప్రజారామ' అన్నది బాగా పరిచితమైన సంబోధన. ఇది వాల్మీకంలోనుండి వచ్చిందే ఐనా దానిని బాగా ప్రచారంలోకి మాత్రం శ్రీవేంకటేశ్వరసుప్రభాతం. సుప్రభాతం ఈ రామాయణశ్లోకంతోనే ప్రారంభం అవుతుంది. 'కోసలరాజసుతాతనయా' అన్నా అర్థం అదే. వీసమెత్తుకూడా అర్థఛ్ఛాయలో బేధం లేదు. ఐతే ఈ సమాసాన్ని పూర్వం ఎవరన్నా ప్రయోగించారో లేదో నాకైతే తెలియదు. ప్రయోగించి ఉంటే ఆశ్చర్యం లేదు.
రిప్లయితొలగించండిఇకపోతే కరుణామయుడు అని దేవుణ్ణి సంబోధించటం గురించి. ఈ సంబోధన క్రైస్తవసంప్రదాయంతోనే మొదలు కాలేదు కదా. తొలినుండీ ఉన్నదే!
శ్యామలా tadigapada గారూ నమస్తే. సార్ ఇది నేను సేకరించిన శ్రీమతి డొక్కా సీతమ్మ గారు (అన్నపూర్ణ) ప్రత్యేక తపాలా కవరు. ఈ ప్రత్యేక తపాలా కవరుని తూర్పు గోదావరి జిల్లా స్టాంపులు మరియు నాణేల సేకరణ కర్తల అసోసియేషన్ ఇటీవల జరిగిన సేకరణల ఎక్సిబిషన్ సందర్భముగా విడుదల చేసింది. ఈ కవరుని నేను నా భారతీయ సంస్కృతి బ్లాగులో షేర్ చేసాను. సార్ ఈ పోస్టుని చూసి మీ కామెంట్స్ తెలుగులో ఇవ్వగలరు. అలాగే మీకు నా భారతీయ సంస్కృతి బ్లాగు కనుక నచ్చితే నా బ్లాగులో మెంబర్ గా జాయిన్ అవ్వగలరు అలాగే మీ ఫ్రెండ్స్ తో కూడా షేర్ చెయ్యగలరు.
రిప్లయితొలగించండిhttp://indian-heritage-and-culture.blogspot.in/2015/10/srimati-dokka-seethamma-garu-annapurna.html
శ్రీ శ్యామలరావుగారికి,
రిప్లయితొలగించండినమస్కారములు.
ఈ మధ్య స్మరణ లో చక్రాలు గురించి టపాలు పెట్టాను. అందులో అనాహతచక్రం గురించి ఓ సందేహం వచ్చి, సరైనది నిర్ధారించుకోలేక ఆవేదనకు లోనౌతున్నాను. నా సందేహమును వివరంగా ఈ రోజు టపాలో పెట్టాను. తప్పుగా భావించక, ఆ టపాను చూసి, దయచేసి ఆ నా సందేహమును తీర్చి, నా ఆవేదనను తగ్గించవలసిందిగా ప్రార్ధిస్తున్నాను.
శ్రీ శ్యామలరావు గారికి,
రిప్లయితొలగించండినమస్కారములు.
నా సందేహం చూడగానే స్పందించినందుకు మనసార ధన్యవాదములు. ఎందరికో తగు సూచనలు సహృదయంతో ఇచ్చిన మీరు, తప్పకుండా నా సందేహం తీరుస్తారన్న నమ్మకం నాకుంది. తొందర లేదు సర్. మీకు వీలైనప్పుడే బదులివ్వండి. ఎదురుచూస్తుంటాను