| అందరికి హరిగలడు మరి యన్నిటికి హరిగలడు ఎందుజూచిన హరిగల డానందరాముడై హరిగలడు |
|||
| ఇవల నవల గల యన్నిటిని సృష్టించినవాడై హరిగలడు స్థావరజంగమప్రవితతమగు నీ సర్వసృష్టియై హరిగలడు కేవల నిర్గుణుడయ్యును గుణముల క్రీడ సల్పుచు హరిగలడు జీవకోటిహృత్సరసిజములలో చిద్విలాసుడై హరిగలడు |
అందరికి | ||
| అర్తితోడ తనపదముల బడువా రందరి కెప్పుడు హరిగలడు నేర్తుము ప్రీతిని నినుగూర్చియని నిలచిన వారికి హరిగలడు కీర్తి నర్థమును కోరి గొలువ పరికించి యిచ్చుటకు హరిగలడు వర్తింతుము నీ వారలమై యను భక్తుల బ్రోచుచు హరిగలడు |
అందరికి | ||
| నిరుపమతత్త్వఙ్ఞానము గలిగిన నిశ్చలమతులకు హరిగలడు పరమయోగులను పరిపరివిధముల పరిపాలించుచు హరిగలడు హరిపారమ్యము నెఱిగినవారికి యన్ని విధముల హరిగలడు స్థిరముగ నమ్మిన వారికి భవవిఛ్ఛేదనపరుడై హరిగలడు |
అందరికి | ||
16, ఆగస్టు 2015, ఆదివారం
ఎందుజూచిన హరిగలడు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.