18, సెప్టెంబర్ 2013, బుధవారం

రామకీర్తనలు - 11 నా మొఱ్ఱ లాలించవే రామా నా కష్టముం దీర్చవే


నా మొఱ్ఱ లాలించవే రామ నా కష్టముం దీర్చవే
నీ కన్యముం గాననో రామ నా కష్టముందీర్చవే

వేషభాషల మాటు విషపు బుధ్ధుల వారు
దోషాచరణులైన దుష్టాత్ములున్నారు
కఠినచిత్తులు నన్ను కలచు చున్నారు
శఠుల నణచు వాడ శరణంటి శరణంటి   ॥నా మొఱ్ఱ॥

బ్రతికినన్నాళ్ళింక బ్రతుకు వాడను గాను
అతిదుష్టు లైన దుర్మతుల హింస వలన
బ్రతుకున రుచి యెల్ల వట్టి దయ్యేను
చతురాస్యనుత నీవె శరణంటి శరణంటి   ॥నా మొఱ్ఱ॥

నా వాడ నంటివి నమ్మించు కుంటివి
నీ వలన నేనుంటి నిన్ను నమ్మి యుంటి
దుర్వార్యమై నాకు తోచెనీ కష్టంబు
సర్వేశ రక్షించు శరణంటి శరణంటి   ॥నా మొఱ్ఱ॥

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.