రాముడి మీద ఆన రాకాసులారా
మీమీ దుండగాలు మీకే చేటు
సుబ్బయ్య బొమ్మకే దెబ్బవేసినారా
ఇబ్బందులపాలై ఏమయ్యేరో
సుబ్బయ్య మనవడిని చూడండి నామాట
దబ్బర కానేకాదు దండన తప్పదిక
తెలుగుజాతికి మొదలు తెలియ నాగజాతి
తెలుసుకోండి తెలిసీతెలియక దాని తో
కలహించి నెగ్గలేరు కాటికేపోయేరు
తలకుజాతి కాదు మీ తలకు తెచ్చుజాతి
పాము తోకను త్రొక్కి పారిపోలేరురా
ఏమూలదాగినా యిక మిము విడిచేనా
మీమీ కుతంత్రాలు మిమ్మే కొట్టేరా
ఏమాయదేవుడూ ఇప్పు డడ్డురాడు
