జయశీలుడు శ్రీరామచంద్రుని యిల్లాల

జయశీలుడు శ్రీరామచంద్రుని యిల్లాల

దయగల సీతమ్మతల్లి దండాలమ్మా



ముక్కంటి వింటిని మొదట నీవెత్తగ

చక్కజేసెను రామచంద్రు డద్దాని

బెదిరించు రావణు వెఱ్ఱివేషంబుల

నెదిరించి గెలిచిన దీవే గదమ్మా



మదినిన్ను నమ్మితి మహిళాశిరోమణి

ముదమున బ్రోవవె పుత్రుడ నమ్మా

తలయెత్తి చురచుర తరుణి నీ వరసిన

నిలువున నాతడే నీఱగు నమ్మా



కలికిరో రావణు కులమును సొదబెట్ట

తలచి పతికి పేరు వలచితి వమ్మా

నిలువెత్తు దయవు నీయోర్మి జనులకు

కలతలు తొలగించి కాచిన దమ్మా