పరమపురుషుడ వీవు పతితుడ నేను
నిగమంబు లెఱుగని నిర్భాగ్యుడను నేను
నిగమవనవిహార నిరతుడవు నీవు
జగము లెల్ల దిరుగు సామాన్యుడను నేను
జగము లుత్పాదించు జాణవు నీవు
పరమదయామూర్తి వగు దైవమవు నీవు
పరమార్తి నినువేడు వాడను నేను
కరుణతో వరములను కురియుదువు నీవు
వరము లడుగుచునుండు వాడను నేవు
జయశీలుడవు నీవు సర్వేశ్వరుడవును
భయశీలుడను చాల పామరుడను నేను
నయముగ నన్నేలు నారాముడవు నీవు
దయగల నీకు చరణదాసుడ నేను
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.