18, డిసెంబర్ 2018, మంగళవారం
కొత్తకొత్త దేవుళ్ళు - ఉత్తుత్తి దేవుళ్ళే
కొత్తకొత్త దేవుళ్ళు - ఉత్తుత్తి దేవుళ్ళే
బత్తి దండగ కాక వారు మోక్షమిచ్చేరా
మనుషుల్లో కొంతమంది మంచి తెలివైన వాళ్ళు
పనిగట్టుకొని సృష్టించిన దేవుళ్ళు వీరు
కనరారు వీరెవరు మనపురాణాలలోన
వినరయ్యా వీరివెంట జనువారి కధోగతే
దొరుకక దొరుకక దొరికినదీ నరజన్మము
సిరులు చింతకాయలని చిత్తవిభ్రమముతో
తిరిగేరో ఈదొంగ దేవుళ్ళ కొలుచుకొనుచు
సరాసరి యధోగతికి జారిపోయేరు మీరు
కామారియైన శివుడు కలడు కదా మరచిరా
రాముడై మీకు నారాయణుడున్నాడుకదా
ఏమనుచు నమ్మరాని యెవరెవరో దేవుళ్ళను
పామరత్వమున కొలచి పతితులై పోయేరో
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
బాగా చెప్పారు.
రిప్లయితొలగించండికొత్త దేవుళ్ళ నీడలో వేలకోట్ల రూపాయల న్యాపారాలు కూడా జరుగుతున్నాయి. ప్రజలేమో గొఱ్ఱెదాటు పద్ధతిలో ఆ మాయాజాలంలో ఇరుక్కుపోతున్నారు. అందువల్ల ఇటువంటి మాటలెవరూ పట్టించుకోరు. చివరికి ఎవరి భక్తి వారిది అనుకోవడమే.
మీ స్పందనకు ధన్యవాదాలు నరసింహారావు గారూ. భగవద్గీతల్లో భగవానుడు భూతప్రేతాదులను అల్పదైవతములనూ ఆశ్రయించిన వారు వారినే పొందుతున్నారనీ తనను ఆశ్రయించినవారు మాత్రమే తనను (అంటే మోక్షం) పొందుతున్నారనీ అంటాడు. తన్మయత్వంతో ఉత్తమమైన భగవద్విభూతులను గాక దురాశలతో స్వల్పసత్త్వములైన భూతములను ఆశ్రయించేవారు తత్తదాశ్రయగుణదోషాదులను ఆత్మారోపణం చేసుకొని అధోగతినే పొందుతారు. ఈ కలిలో సర్వమూ వ్యాపారమే కాబట్టి చెవిలో బ్రహ్మోపదేశంగా లభించే గాయత్రీమంత్రం కూడా చెవులు చిల్లులుపడే మైకులహోరుతో మార్కెట్ వస్తువుగా మారింది.అవునండి, వెనక్కు నడుస్తున్న వాళ్ళను గమనిస్తూ వాళ్ళ పిచ్చి(భక్తి)వాళ్ళది అనుకొనటం తప్ప చేసేదేమీ లేదు.
తొలగించండి