13, ఏప్రిల్ 2016, బుధవారం

నీ మాట విందునని నా మాట విందువా?









       నీ మాట విందునని నా మాట విందువా
నీ మాటనే సతము నెగ్గించుకొందువా

   


తోలుతిత్తులలోన త్రోయుట మానుమని
వేలమారులు నిన్ను వేడితే వింటివా
నేల మీద నేను నిలబడి యాడితే
చాలు వేడుక నీకు సంకటము నాకు
నీ మాట


కామాదులకు చిక్కి కటకట బడనీక
ప్రేమతో బ్రోవుమని వేడితే విందువా
ఏమోమొ చెప్పేవు యేమార్చి పంపేవు
నీ మాయ నీశ్వరా నామీద జూపేవు
నీ మాట


ఇర్వుర మొక్కటా యిడుము లన్నియు నాకా
యుర్విపై నాయాట లున్నది నీ కొఱకా
సర్వేశ్వరా యింక చాలునంటే వినవు
పూర్వస్థితిని పొంద బుధ్ధాయె రామ
నీ మాట