వెలుగులకే వెలుగు

వెలుగులకే వెలుగనగా వెలుగు వెలుగు యేది ఆ
వెలుగు తాను కొలువు  తీరు నిలయము పేరేది

మిలమిల తారకలు వెలవెల బోయేను
   ఆ వెలుగు ముందు నిలవ జాలలేక పోయేను
తళతళల చందమామ కళదప్పి నిలచేను
   ఆ వెలుగు ముందు నిలవ జాలలేక పోయేను
ధగధగల  సూర్యుడే తక్కువై తోచేను
   ఆ వెలుగు ముందు నిలవ జాలలేక పోయేను

అఖిలాండకోటి  బ్రహ్మాండములకు వెలుగు
   అంతులేని వెలుగు అది అసలు సిసలు వెలుగు
సరి సాటిలేని వెలుగు  అది పరంజ్యోతి వెలుగు
   అంతులేని వెలుగు అది అసలు సిసలు వెలుగు
జీవుని హృత్పద్మమున చేరి యుండు వెలుగు
   అంతులేని వెలుగు అది అసలు సిసలు వెలుగు