3, అక్టోబర్ 2011, సోమవారం

దొంగా నిన్ను

దొంగా నిన్ను నేను తిరిగి పట్టుకున్నాను
విశ్వమెల్ల తిప్పి నా హృదయమందె దాగితివా
    దొంగా నిన్ను నేను తిరిగి పట్టుకున్నాను

మబ్బుల్లో కొంత తడవు మసలితివా వాటికి నీ
మెరుపులబ్బె గాని నిన్ను దాచలేక పోయినవా

తారలలో కొంత తడవు దాగితివా  వాటికి నీ
తళుకులభ్బె   గాని నిన్ను దాచ లేక  పోయినవా

నదులలోన కొంత తడవు నక్కితివా  వాటికి నీ
నడకలబ్బె  గాని నిన్ను దాచలేక పోయినవా

తరువులందు కొంత తడవు  దాగితివా వాటికి నీ
ధృడతగల్గె గాని నిన్ను దాచలేక పోయినవా

ఎందుపోయి దాగగలవు నీవే నేనైతి గాన
చిందులింక మాని నా చిత్తమందె  చేరకుండ