16, అక్టోబర్ 2011, ఆదివారం

మనసున తోచిన మహితమూర్తి

మనసున తోచిన మహితమూర్తి
యే మనుకో నిను పోనీయను

లోలో నిండిన నీ మూర్తిని నే
చక్కగ పదిలం చేయాలంటే
ఒక బొమ్మ చెక్కటం రాదు
ఒక బొమ్మ గీయటం రాదు

లోలో నిండిన నీ మూర్తిని నే
హాయిగ గానం చేయాలంటే
ఒక పాట వ్రాయటం రాదు
ఒక పాట పాడటం రాదు

లోలో నిండిన నీ మూర్తిని నే
తృప్తిగ ఆరాధించాలంటే
ఒక మంత్రం నోటికి రాదు
ఒక పూజ చేయటం రాదు

లోలో నిండిన నీ మూర్తిని నే
అందుకనే కదలనీయక
తలపులతో బంధిస్తాను నా
మనుసులోనె బంధిస్తాను
వీరిచే పోస్ట్ చేయబడింది వద్ద
లేబుళ్లు:

2 కామెంట్‌లు:

ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)