ఏమయ్యా రామనామ మెంతరుచో తెలిసినా

ఏమయ్యా రామనామ మెంతరుచో తెలిసినా

యేమి కర్మమో కాని యీ నాల్కను నిలువదే



ఎల్ల వేళల నితరుల నెన్ని తిట్టు నోటను

కల్లలాడు టందు చాల గడితేరిన నోటను

పుల్లవిరుపు మాటలను పోచికోలు కబురుల

చిల్లికుండ వంటి నోట చిక్కటెట్లా నామము



నిలుచు టెట్లు హరినామము నీవు హరిభక్తుల

కలిసి తిరిగి వారి సేవ కడు శ్రధ్ధగ చేయక

వలచి హరి నామము పరవశించి పలుకుట

తెలిసి కొనక నీ నోట నిలుచు టెట్లు నామము



పనికి రాని వాదముల వలన నుండు నోటను

పనికి రాని మంత్రముల పలుకుచుండు నోటను

పనికిరాని వారి నెపుడు ప్రశంశించు నోటను

వినవయ్యా నిలుప లేవు విభుని దివ్యనామము