26, ఆగస్టు 2017, శనివారం
మన వెంకయ్యకు కూనలమ్మ నవరత్న సన్మానం.
ఇప్పటి ఉపరాష్ట్రపతికి
ముప్పవరపు వెంకయ్యకు
తప్పనిసరి సన్మానం
ఓ కూనలమ్మా
తెలుగు గడ్డ పగులగొట్టి
వెలుగుతున్న భాజపాకు
కలిమి వెంకయ్య కదా
ఓ కూనలమ్మా
మాటకారి వెంకయ్యకు
మాటతప్పు వెంకయ్యకు
వాటమైన సన్మానం
ఓ కూనలమ్మా
కూటనీతి వెంకయ్యకు
ఏటి కంట సన్మానం
నేటి తెలుగు రాష్ట్రాల్లో
ఓ కూనలమ్మా
వద్దు వద్దంటూనే
పెద్దపదవి కెక్కాడని
పెద్ద సన్మాన మంట
ఓ కూనలమ్మా
మన కన్నే పొడిచినా
మన తెలుగు వాడుకదా
మన వాడని సన్మానం
ఓ కూనలమ్మా
ఆదుకొనక పోతాడా
ఏదో ఒకనాటి కని
ఏదో ఒక వెఱ్ఱి ఆశ
ఓ కూనలమ్మా
చేదు దిగమింగికొని
ఆదరించు దేవుడవని
చాదవ సన్మానమంట
ఓ కూనలమ్మా
ఈ పదనవరత్నాల్తో
ఓపికగా నేను కూడ
కాపించితి సన్మానం
ఓ కూనలమ్మా
1 కామెంట్‌:
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
"వద్దు వద్దంటూనే
రిప్లయితొలగించండిపెద్దపదవి కెక్కాడని"
రాష్ట్రపతి పదవికి అభ్యర్థి ఎంపిక చేసేందుకు ఒక సమావేశం జరిగింది. మోడీ గారు ప్రభుత్వ పనుల ఒత్తిడి దృష్ట్యా తన మంత్రివర్గం నుండి ఎవరినీ ఇవ్వలేమని చెప్పారు.
ఈ విషయాలను అప్పట్లో వెంకయ్య నాయుడు గారే వెల్లడించారు. అప్పుడు కుదరనిది తరువాత ఎలా సాధ్యం అయ్యిందో వారే చెప్పాలి.
"చాదవ సన్మానమంట"
చాదవ అనే పదానికి అర్ధం ఏమిటండీ?
ఏడుపు సన్మానమంట" అన్నా యతి ప్రాసలు సరిపోతాయి (just for fun)