ఈ రోజున గుఱ్ఱం జాషువా కవిగారి జయంతి. ఘనంగా జరిపిద్దా మనుకున్నా రట దొరతనం వారు. కాని తెలుగు అకాడమీయో మరేదో ఇంకా విడిపోలేదట. అందు చేత నిధుల కొఱత పీడిస్తోందట, ఈ మాట నిన్న వార్తల్లో వినిపించింది టీవీలో. ఏ ఛానెలో - టీవీ౯ కావచ్చు. మరొకటి కావచ్చు విషయం అది. ఏం చేస్తాం. ఉన్నంతలోనే కాస్త ఘనంగా చేదా మనుకున్నారేమో నేడు వార్తల స్క్రోలింగుల్లో కనిపించిది జాషువా జయంతి అని. అదీ సంగతి.
జాషువాగారి గురించి వ్రాయగలిగినంత గొప్పవాడిని కాను. కాబట్టి ఆయన గురించి వెబ్ లోకంలో కనిపించిన కొన్ని లింకులు క్రింద ఇస్తున్నాను. అక్కడ చదివి కొంత తెలుసుకొని తలచుకొని ఆనందించవ చ్చును,
- జాషువా గారి గుఱించి వికీపీడియా వ్యాసం
- శోభనాచల బ్లాగులో జాషువాగారి పాపాయి ఖండిక చదవండి. ఘంటసాలవారి అజరామర గళంలో వినండి.
- మాలిక పత్రికలో కవిబ్రహ్మ గుఱ్ఱం జాషువా అని కప్పగంతు వెంకట రమణమూర్తి గారి వ్యాసం.
- షేక్ నాజర్ కు, గుఱ్ఱం జాషువా గార్లకు ఒక ప్రత్యేక తపాలా కవరు విడుదల ఐన సంగతి తెలుసా? ఇక్కడ చదవండి.
- గుఱ్ఱం జాషువా బ్లాగును దర్శించండి. చిన్న బ్లాగే మరి.
- 'ఈమాట' వెబ్‌జైన్‌లో గుర్రం జాషువా పాపాయి పద్యాలు అని విష్ణుభొట్ల లక్ష్మన్న గారి వ్యాసం చదవండి
- రసజ్ఞ గారి బ్లాగులో భావావేశ గుఱ్ఱం అన్న వ్యాసం చదవండి
- గుఱ్ఱం జాషువా గారి ఆంధ్ర మాత ఖండకావ్యాన్ని ఇక్కడ చదవండి
- కథామంజరి బ్లాగులో జాషువా గారి పేకాట పద్యాలు చదవండి
- కవిరాజు జాషువా అని ఆంధ్రప్రభవారి వ్యాసం
- కలభాషిణీ బ్లాగులో తెలుగు సాహితీ పథంలో "అలుపెరుగని బాటసారి" అన్న జాషువాగారి గురించిన వ్యాసం
- వి,ఆర్.దార్లవారి బ్లాగులో జాషువా సాహిత్య దృక్పథం అనే వ్యాసం చదవండి
- జాషువా గారి గురించిన జ్ఞాపకాలు - బోయి భీమన్న గారి గళంలో (October 8, 2014)
ప్రస్తుతం నా దృష్టికి వచ్చిన సమాచారం ఇది. అన్నీ వరుసగా చదివినప్పుడు కొంత సమాచారం చర్వితచర్వణంగా అనిపించవచ్చును. ఫరవాలేదు. కొన్ని కొన్ని కొత్త విషయాలూ ప్రతీచోటా కనిపించవచ్చును కదా? అందుకే చదవండి. నా కిష్టమైన గిజిగాడు పాఠం‌మాత్రం వెబ్‌లో ఎక్కడా కనిపించలేదు దానికీ లింక్ ఇద్దామనుకుంటే.
అన్నట్లు ఆ మధ్యన మన హైదరాబాదులోని టాంక్‌బండ్ వద్ద ఉన్న విగ్రహాలను కొన్నింటిని ధ్వంసం చేయటం జరిగింది కదా ఉద్యమాల నేపద్యంలో. ఆలా ధ్వంసమైన విగ్రహాల్లో జాషువాగారి విగ్రహమూ ఉందని విగ్రహాల ధ్వంసం సబబుకాదు అన్న విశాలాంధ్రవారి అప్పటి వార్తలో చదివాను. ఆంద్రప్రదేశం వారు మేలుకొని భేషజాలకు పోకుండా 'ఈ సీమాంధ్ర మహానుభావులు'గా కొత్త తాతాచార్యులముద్ర వేయించుకొన్న తమవారి విగ్రహాలను తమ రాష్ట్రానికి తరలించుకుంటే వారిని ఆ మాత్రంగా నైనా కాస్త గౌరవించినవారు అవుతారేమో అన్నది ఆ రాష్ట్రప్రభుత్వంవారు ఆలోచించుకోవలసిందిగా విజ్ఞప్తి చేస్తున్నాను.
బాగుంది. నా బ్లాగులో వీరిని చాలా సార్లే తలుచుకున్నా. అన్ని కవితలు దొరకలేదు చదవడానికి ఒకచోట చేర్చడానికి మంచి ప్రయత్నం చేశారు.
రిప్లయితొలగించండి