నట్టి నేస్తుడా నా
చేయిబట్టి నడిపించే
శ్రీరాముడా
యుగము లెన్ని గడచినను
జగము లెన్ని తిరిగినను
పగలురేలు నీధ్యాసనే
తగిలియుందు నిజముగ
మాయెమాయె జాయ యంటె
మాయలోన పడ కంటివి
మాయజేసే వారెవ రన
హాయిగ నిదె నవ్వితివి
నాయిల్లిది కాదనుచో
నేయిల్లన మాట్లాడవు
నీయింటికి పిలిచెదవా
ఆయూసే నీవెత్తవు
కలలలోన తోచెదవు
గలగల మాట్లాడెదవు
పిలుచు టెపుడు నన్నంటే
పలుకకుండ పోయెదవు
