నీ కోసం కట్టిన యీ గుడిలో
రాకాసులు యెటులో చేరినవి
నీ కొలువు కెవరూ రాకుండా
వాకిటనే అవి కాపుండినవి
రసనారాజద్వారము ముంగిట
నామము లాడుట యాగినది
చెవుల గుమ్మముల చెంగట మ్రోగే
శుభగుణ గానము లాగినవి
నేత్రద్వారములందిచే శుభ
హారతి వెలుగులు సమసినవి
సకలద్వారముల పూజాప్రకరణ
విధులను మూకలు మూసినవి
దేహాలయమున నరిషడ్వర్గము
దూరిన దెటులో తెలియదయా
పూజలాగినవి వేగమె వాటిని
తరిమే దెటులో తెలుపవయా
దేహదేవాలయంలో చేరిన అరిషడ్వర్గాల గురించిన మీ గేయం చాలా బాగుంది.
రిప్లయితొలగించండిబాగుంది సార్!
రిప్లయితొలగించండినిస్సందేహంగా ఇది చాలా చాలా మంచి కవిత.భేష్. భాషా వికాసం గురించి మీరు రాసిన వ్యాసం కూడా ఆలోచింపదగీనదీ కవిత్యం రాసేవారికి కనువిప్పు కలిగించేదిగానూ ఉంది.
రిప్లయితొలగించండిఆద్భుతంగా ఉంది మీకవిత
రిప్లయితొలగించండిchalaa bagundi. mee numchi inkaa manchi kavithalu asistunnamu. nirantara kavitha prakriya meenityakrutyamkaavali
రిప్లయితొలగించండి