4, అక్టోబర్ 2011, మంగళవారం

ఏ మన వలె?

నీవు చాల ఘనుడవని నే నెఱుగుదు నయ్య
నీ వింత వింత పనులు నే నెఱుగుదు నయ్య

అందమైన చందురుని అమరించి యాకసమున
అందు పెద్ద మచ్చను  వదలి నందు కేమన వలె

ఉర్వి మూడు వంతులు ఉప్పు సముద్రమును జేసి
తీయని నదులందు కలియ తోలినందు కేమన వలె

నీకు ప్రతిరూపులుగా నేలమీద నరుల నుంచి
మాయదారి త్రిగుణములు పట్టించితి వేమన వలె

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.