నిన్ను ధ్యానించిన దినము నిజమైన సుదినము
నిన్ను మరచి యున్న దినము నిజముగ దుర్దినము
తలపులన్ని నీపైనే నిలుపుకొన్న వాడను
తలపనుగా నినుదప్ప కలనైన నన్యులను
మెలకువలో నీతలపులు మెదలుటుండు టొక యెత్తు
కలలనైన నీతలపులె కదలాడుట మరి యొకటి
పరమాత్ముండవు నీవును పామరుడను నేనుగా
తిరమైనది నేలమీద దివ్యమైన సంబంధము
నిరతంబును నినుదలచి నే పొందుదు నానందము
కరుణతో నన్ను నీవు కాచుకొనుచు నుందువు
రామచంద్ర మనకిది నీమముగా నున్నదే
యేమిటికని నినుమరచెద నింక శంక మానుమా
నీమ మెప్పుడు దప్పను నిన్ను నేను మరువను
స్వామీ నీ కరుణ కూడ నేమాత్రము దాచకు
