ఏడుపులు మొత్తుకోళ్ళు
అరుపులు పెడబొబ్బలు
మన టీవీ సీరియళ్ళు
చెప్పరానంత కుళ్ళు
మతిలేని కథనాలు
వింతవింత మళుపులు
మన టీవీ సీరియళ్ళు
చెప్పరానంత కుళ్ళు
కుట్రలు కూహకాలు
ఎత్తులు పైయెత్తులు
మన టీవీ సీరియళ్ళు
చెప్పరానంత కుళ్ళు
ఐనా ఈ ఆడవాళ్ళు
వాళ్ళ కింతలేసి కళ్ళు
వాళ్ళే కుళ్ళు సీరియళ్ళు
చూస్తారప్పగించి కళ్ళు
విలన్లంతా ఆడవాళ్ళు
చూస్తే తిరిగేను కళ్ళు
అబ్బబ్బో ఆ విసుళ్ళు
జ్వాలాతోరణాలు ఇళ్ళు
చీకటి పడగానే మగాళ్ళు
చేరుకుంటారు వాకిళ్ళు
టీవీ రణరంగాలా యిళ్ళు
ఐనా కిమ్మనరాదు వాళ్ళు
చూడు డబ్బింగు సీరియళ్ళు
అబ్బో అవి ఇళ్ళా రాజమహళ్ళు
ఆ పట్టుచీరల కష్టాల కావళ్ళు
కళ్ళల్లో మోస్తారు మన ఆడవాళ్ళు
వదలక చూస్తూ ఆ పటాటోపాలు
అవుతున్నారు కోచ్ పొటాటోలు
దాంతో డబ్బులు మందులపాలు
గట్టిగా అంటే కోపతాపాలు
బాగా చెప్పారు. అలాగే ఆ అరగంట ఎపిసోడ్ వస్తున్నంతసేపూ ఎడతెరిపిలేకుండా వినిపించే భయంకరమైన నేపధ్య సంగీతం(?), ప్రతి డైలాగుతోనూ / సీను మార్పుతోనూ కత్తి దూస్తున్నప్పుడు కలిగే శబ్దం గురించి కూడా పైన కవితలో పొందుపర్చవచ్చు. అబ్బో ఆటవికత తాండవిస్తుంటుంది మన టీవీ సీరియళ్ళలో. ఈలోగా వీటి ఛానెఅసలు సీరియళ్ళు తమ మేధస్సు ని అవమాన పరుస్తున్నాయి అనే ఆలోచన కూడా ఉండటం లేదులా వుంది చూసేవాళ్ళకు. ఈనాడు సమాజంలో కనిపిస్తున్న / పెరిగిపోతున్న పశు ప్రవర్తన, అమర్యాదకర ప్రవర్తనల కి కూడా ఈ టీవీ సీరియళ్ళు బాధ్యత వహించాలని చెప్పాలి. టీవీ సీరియళ్ళు లాంగ్ రేంజ్ లో సమాజం మీద మరింత దుష్ప్రభావాన్ని చూపించే ప్రమాదం ఎంతైనా వుంది. టీవీ సీరియళ్ళకి కూడా సెన్సార్ బోర్డ్ ఉండాలి.
రిప్లయితొలగించండిఅసలు ఈలోగా వీటి ఛానెళ్ళ మీద గృహహింస కేసు పెట్టటానికి వీలవుతుందేమో చూడాలి.
మీరే సీరియల్ గురించి చెబుతున్నారో నాకు తెలియటం లేదు కాని దాదాపు అన్ని సీరియళ్ళదీ ఒకటే ధోరణి. ప్రేక్షకుల బుఱ్ఱను తినటం.
తొలగించండి౧. టీవీ సీరియళ్ళకి కూడా సెన్సార్ బోర్డ్ ఉండాలి. మంచి ఆలోచన. కాని అసమంజసమైన విషయాలపై మనం ఫిర్యాదు చేసే అవకాశం ఇప్పటికే ఉంది. కాని నేటి సమాజంలో సామంజస్యాన్ని సరిగా నిర్వచించలేని పరిస్థితి కదూ?
౨. వీటి ఛానెళ్ళ మీద గృహహింస కేసు అలోచన దివ్యంగా ఉంది. అప్పుడు, తమకు ప్రీతిపాత్రమైన సీరియళ్ళని మూయిస్తూ గృహహింసకు పాల్పదుతున్నారని మహిళామణులు పురుషపుంగవులపై తప్పకుండా గృహహింస కేసులు వేస్తారు. తస్మాత్ జాగ్రత జాగ్రత.
1. నేను అందుకోసమని కూర్చుని ఏ సీరియలూ చూడనండి. ఇంట్లోవాళ్ళు చూస్తున్నప్పుడు ఆ శబ్దాలు వద్దనుకున్నా చెవిలో పడుతుంటాయి - టీవీకి వ్యతిరేక దిశలో కూర్చున్నా కూడా. ఆ రకంగా అబ్బిన పరిజ్ఞానం మాత్రమే.
తొలగించండి2. ఏ ఎపిసోడ్ మీదని కంప్లైంట్ చెయ్యాలి, ఏ సన్నివేశం / సంభాషణ మీదని కంప్లైంట్ చెయ్యాలి - అన్నీ అసమంజసంగానే తోస్తాయి. ఇవన్నీ భారీ వ్యాపారాలు కాబట్టి స్వీయనియంత్రణ వున్నట్లు లేదు. అందుకని సెన్సార్ బోర్డే వుండాలి.
3. గృహహింస కేస్ గురించి మీరు చెప్పిన ప్రమాదం కరక్టే.
టి.వి.సీరియళ్ళు చూడ్డం మానేసి సుఖపడ్డానంటారు.
రిప్లయితొలగించండిఅవి చూసే తీరికా కోరికా నాకు ఎప్పుడూ లేవండీ. చూసే వాళ్ళు మానేస్తే సుఖపడతారన్నది నిజమే కావచ్చును. కానీ, ఇంట్లో మిగిలినవాళ్ళు తప్పకుండా సుఖపడతా రన్నది మాత్రం పచ్చి నిజం.
తొలగించండిశ్యామలీయం గారు ,
రిప్లయితొలగించండిశుభ సాయంత్రం .
మన తెలుగు టీ వి సీరియల్స్లో ఏమాత్రం రియాలిటీ లేనివే .
ఓ నాటికి మన ఆడవాళ్ళే మనకు విలన్లైపోతారేమోనన్న ఆందోళన కూడా కలిగే ప్రమాదం లేకపోలేదు .
కధ సాగక పలు సినిమాలలోని పాటలను , దృశ్యాలను కాపీ చేసి మరీ చూపిస్తునారు . మగవాడిని హీనంగా కూడా చూపించటం అధికమైంది . డబ్బు కక్కుర్తితో చాలా మంది , వాళ్ళ కెంతో ధనమున్నా , నికృష్టమైన పాత్రలలో నటిస్తూ , కళాపోషణ అని పైకి చెప్పుకొంటున్నారు .
మీ తో ఏకీభవిస్తున్నాను .
"మన తెలుగు టీ వి సీరియల్స్లో ఏమాత్రం రియాలిటీ లేనివే"
తొలగించండిరియాలిటీ షోలు అనబడే వాటిలోనే రియాలిటీ లేనప్పుడు సీరియళ్ళలో ఆశించకూడదు లెండి!
టీవీ సీరియల్స్ బాబోయ్ అనిపిస్తున్నాయి. ఇది వరకు లాగా విచిత్ర కాశి మజిలి కథలు, తెనాలి రామకృష్ణ, రాజశేఖర చరిత్ర లాంటి సీరియల్స్ వస్తాయేమో అని ఆశ. మీకు తెలుసో లేదో మీట్ mr ఆంజనేయులు అని దూరదర్శన్ లో మధ్యాహ్నం 12 కి వచ్చేది చాల బాగుంటుంది. నేను స్కూల్ నుంచి రోజు ఆ సీరియల్ కోసం వచ్చేవాడిని (మా అమ్మ ఎందుకురా ఎండలో వస్తావు ఒక వేళ లేట్ అయితే మీ మాస్టర్ తిడతారు అన్న వినిపించుకొనే వాడిని కాదు. అప్పుడు మాకు లంచ్ అవర్ ) అటువంటి సీరియల్స్ ఇప్పుడేవండి. ఈ మధ్య రాములమ్మ అని ఒకటి మొదలయ్యింది చిన్న పిల్లలకు కూడా ఆ జాడ్యం అంటిస్తున్నారు. సహజంగా ఉండే కొన్ని ఇంగ్లీష్ సిరీస్ చూస్తంటాను. అలాంటివి ఇక్కడెందుకు తియ్యరు అని ఆలోచిస్తాను దానికి సమాధానం ఈ మధ్య దొరికింది. అనిల్ కపూర్ పాపం ఇంగ్లీష్ లో హిట్ అయిన 24 అని ఒక సీరియల్ ని హిందీలో తీసాడు. దాన్ని చూసే వాడే కరువయ్యారు.
రిప్లయితొలగించండిఅందరికీ కాలక్షేపం సరుకు కావాలి కానీ విషయమున్నవి అవసరం లేనట్లుందండి.
తొలగించండిపటాలోపాలు అంటే ఏమిటి??
రిప్లయితొలగించండిఅరుణ గారు పటాలోపాలు లేక పటా లోపాలు లేక పటాలో పాలు లేక పటాలోపా లు.. సీరియల్స్ చూడలేని వారికి కలిగే డెఫిసియన్సి వంటిదని అనుకున్నారా మీరు.. దుపటాలోపాలు కాదు గారు.. పొటాటో పాలు అనగ సొలానం ట్యూబరోసం ను ఉడకబెట్టి పిండుకునే పాలు.. కొబ్బరి పాలు, సోయాపాలు, నవ్వులపాలు లాటిదన్నట్లు
తొలగించండిఅరుణా, పటాటోపం అన్నది తెలుగుమాటే. పటాటోపాలు అన్నది పటాటోపానికి బహువచనం. ఈ పటాటోపం అన్న మాటకి అర్ధం హంగామా, ఆర్భాటం, బాబు అని.
తొలగించండిబాబు కాదు డాబు.
తొలగించండిశ్యామల్ రావు గారు.. మన్నించాలి.. నాకు ఆ పదం పటాటోపాలు కాస్త మీరు దిగువ ఇచ్చిన కోచ్ పోటాటో (Couch Potato: Sedantary Life Style) లాటిదే అయ్యుంటుందనుకుని బహుశ మీరు ప్రాస కోసమని కలిపే రాశారనుకున్న.. అర్థం అవగతమైంది. ధన్యవాదాలు మీకు
తొలగించండిఅబ్బే.. ఈ మధ్యన ఏ ఛానల్లో చూసినా.. రోత.. ప్రతి ఆడ క్యారక్టర్ పగా, ప్రతికార మంటు.. ప్రతి మగ క్యారక్టర్ మరేదో ఫిక్టిషియస్ క్యారెక్టరంటు.. దినాము అరుపులు, కేకలు, పెసలెఫేక్ట్ సౌండు, ఎకో, రిక్యాప్, రీసౌండ్, రీవర్బిరేషన్.. అవి చాలవనట్టు ప్రతి ఐదు నిమిషాలకి యాడ్ బ్రేక్.. అదీ రీపీట్.. ఏదైనా మ్యూజిక్ చానెల్ పెట్టుకుని పాట వింటే మనసుకు శాంతి..
రిప్లయితొలగించండిఅవునండీ. ఇంకో తమాషా మీరు గమనించే ఉంటారు. అరగంట పాటు ఉంటుందా స్లాటు. ముందో పాటా, యాడ్‌ల గోలా, యాడ్లతో వచ్చే కొసరుముక్కలూ, రీక్యాప్‌లూ వగైరాలకే పుణ్యకాలం చాలా భాగం ఖర్చు ఐపోతుంది. వాడు కొత్తగా చూపేవి మహా ఐతే మూడో నాలుగో సీనులు. ఈపాటిభాగ్యానికే ఆ చూసే మహిళామణుల తహతహల ఎదురుచూపులు. ఎవరికీ ప్రపంచంలో మరేమీ చేయదగ్గ పనేలేదన్నట్లు నిత్యం పగలూ వగలూ అంటూ ఒకటే రచ్చ. ఏం చేస్తాం చెప్పండి? ఒకప్పుడు అచ్చులో వారంవారం వచ్చే మసాలా సీరియళ్ళకి డిమాండూ. నేడు దృశ్యమానదరిద్రానికి డిమాండు. ఛానెళ్ళవాళ్ళకి డబ్బు చేదా? అదే కదా వాళ్ళకి కావలసిందీ!
తొలగించండిఆ నాలుగైదు సీన్లలో కూడా ఒక పాత్ర చెప్పిన ప్రతి డైలాగ్ కూ వెనకాల భయంకరమైన శబ్దాలతో (background music అన్నమాట) అక్కడ నిలబడున్న ప్రతి పాత్ర మొహం మీద ఓసారి కెమేరా పెట్టి చూపించడం, అలా అన్ని పాత్రల మొహాలనూ చూపిస్తూ కెమేరాను ఓ రౌండు తిప్పడం. తరువాత పాత్ర డైలాగ్ చెప్పగానే మళ్ళీ ఇదే తంతు. ఓహో, ఆ దర్శకత్వం, ఆ కెమేరా పనితనం ... అబ్బో, చెప్పటానికి మాటలు చాలవు.
తొలగించండిఆ నాలుగు సీన్లు ఇవేనా? ఒకటి మెట్లు దిగే సీన్. ఇంకోటి ఒక పాత్ర తనలో తనే ఆలోచిస్తూ ఏ ప్రతీకారానికో పథకం వేసే సీన్. ఇంకోటి కోడలు అత్తనో లేక అత్త కోడలినో సాధించే సీన్. ఇక నాలుగోది అస్సలు సీరియల్ కథకి సంబంధం లేకుండా టైం తినేసే సీన్.
తొలగించండిఅంతే కాదండీ. వీరందరూ వేలూ భాగాలుగా సీరియల్ కథతోనే నడవాలంటే మనవాళ్ళు వ్యాసుణ్ణి మించి ప్రతిభావంతులే కావాలి కదా. చెత్తపేర్చుకుంటూ పోవాలంటే సులువు మరి. ఈడ్చుకుంటూ నడిచే లాంంగ్ సీరియల్ కాస్తా రేటింగ్ పడిపోతే ఉన్నదున్నట్లు ఒకటి రెండు సీనులతో ఢాంమ్మని పేలి ముగుస్తుంది.
తొలగించండిఏదేమైనా శ్యామల్ రావు సర్.. ఈ సీరియల్ యోక్క ఎపిసోడ్ డైరెక్టర్లు కూడా.. కరెక్ట్ గా సస్పెన్స్ దగ్గర ఆపి యాడ్.. ఆ యాడ్ ఎంత సెపంటే బ్రేక్ కు ముందు సీన్ ఏంటో మరిచిపోయేంతగా.. ఇహ ఇలా చూసుకుని పోతే ఇంకొన్ని సీరియల్ ఎపిసోడ్ లైతే ఐదారు వేలు మించి ఉంటాయి.. ఇన్ని ఎపిసోడ్స్ లో ఏమున్నదంటే చూపించినదే చూపెడుతు వాళ్ళకి యాడ్ లు, ప్రోమోలు, టీ ఆర్ పి రేటింగులు.. పాడిందే పాడరా పాచిపళ్ళ దాసరి చందానా మద్యలో ఉప్పులో పేస్టు, పేస్టులో బొగ్గు అంటు వింత వింత యాడ్స్.. వాటితో జనాలకి తలపోటు.. ఇహ కార్టూన్లు చూడాలి సర్.. ఒహటే ఈసడింపు.. ఒకటి వివరిస్తాను.. ఒకావిడ సీరియల్ లో ఎంతగా లీనమైనట్లు చూపిస్తారంటే.. ఆమే అంటుంది.. ఆ పాయసం తాగకే.. నిన్న చేసింది అంటు టీవి బయిట చూస్తున్న ఆవిడ టీవిలో సిరియల్ లో క్యారక్టర్ కి చెప్తోటది. ఇదండి ఆయా సిరియళ్ళ కథా కమామిషు.. జీడిపాకం లా జిగటగా.. జిలేబి లా ఊరిస్తూ.. సబ్బు నురగలా ఇంతటిని అంతదిగా చూపించేదనే బహుశ వాటిని సోప్ సడ్స్ అని అంటారేమో కూడా..!
తొలగించండి