23, డిసెంబర్ 2014, మంగళవారం

వివేచన - 40. నేటి వారిని నడిపించ నీక తగును






నేటి వారికి జెప్పు నేర్పుగలాడనే
నేరు పట్టిది చూడ నీక చెల్లు

నేటి వారల మేథ నాకింతయును లేదు
దాని మించిన మేథ తనరు నీక

నేటి కాలంబున నామాట లతుకవు
కాలోచితప్రజ్ఞ గలుగు నీక

నేటి వర్తనములు నే నేర్వగా లేను
నేరుపు లన్నియు నేర్తువీవ

నిన్న చెల్లితినో లేదొ నేనెఱుంగ
నేడు చెల్లుట కనరామి నిశ్చయంబు
నేడు రేపను బేధంబు నీకు లేదు
నేటి వారిని నడిపించ నీక తగును




వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.