31, డిసెంబర్ 2013, మంగళవారం

మా తెలుగుతల్లికి మల్లెపూదండ

శ్రీ శంకరంబాడి సుందరాచారిగారు రచించిన ఈ పాటను టంగుటూరి సూర్యకుమారి గాత్రంలో ఇక్కడ వినండి.


ఈ వీడియోలో ఉన్న మా తెలుగుతల్లికి మల్లెపూదండ పాటను సూర్యకుమారిగారు 1985వ సంవత్సరంలో బర్మింగ్‌హామ్‌లో శ్రీరంగారాయ మెడికల్ కాలేజీ పాత విద్యార్థుల పునస్సమాగమం సందర్భంగా జరిగిన ఉత్సవంలో గానం చేసారు.
ఈ‌ పాట ఆంధ్రప్రదేశప్రభుత్వ అధికారిక గీతం.

ఈ‌ పాట పూర్తి పాఠం ఇదిగో:


మా తెలుగు తల్లికి మల్లె పూదండ
మా కన్న తల్లికి మంగళారతులు
కడుపులో బంగారు కను చూపులో కరుణ
చిరునవ్వు లో సిరులు దొరలించు మా తల్లి

గల గలా గోదారి కదలి పోతుంటేను
బిర బిరా కృష్ణమ్మ పరుగులిడుతుంటేను
బంగారు పంటలే పండుతాయి
మురిపాల ముత్యాలు దొరలు తాయి

అమరావతీ నగర అపురూప శిల్పాలు
త్యాగయ్య గొంతులో తారాడు నాదాలు
తిక్కయ్య కలములో తియ్యందనాలు
నిత్యమై నిఖిలమై నిలచి యుండే దాక

రుద్రమ్మ భుజ శక్తి మల్లమ్మ పతిభక్తి
తిమ్మరుసు ధీయుక్తి కృష్ణరాయల కీర్తి
మా చెవుల రింగుమని మారు మ్రోగే దాక
నీ ఆటలే ఆడుతాం నీ పాటలే పాడుతాం


  ఈ పాట ఒరిజినల్ రికార్డింగ్ అంటూ మరొక వీడియో కూడా కనిపించింది:




అలాగే, బాలూగాత్రంలో ఇదే మా తెలుగు తల్లికి పాట కూచిపూడి నృత్యాభినయ యుక్తంగా:



ఈ పాటకు క్రొత్త వరస కూడా ఉన్నది! చూడండి: 



ఇంత చెప్పుకున్నాక మరొకటీ చెప్పుకోవాలి మరి. ఈ పాటకు తెలంగాణావాదుల పేరడీ చూడండి. 




(టంగుటూరి సూర్యకుమారిగారి గురించి వికీపీడియాలో చదవండి.) (శంకరంబాడి సుందరాచార్యులవారి గురించి వికీపీడియాలో చదవండి.)

4 వ్యాఖ్యలు:

  1. తెలంగాణ ప్రాంత మహనీయుల ప్రశస్తిని వర్ణిస్తూ, అదే శైలిలో గతంలో నేను ఒక చరణం రచించి నా బ్లాగులో ప్రచురించాను.
    అందుకు తగినట్లుగా రెండవ చరణంలో చిన్ని మార్పు చేసి, ఆ మొత్తం గీతాన్ని ఇక్కడ ప్రచురిస్తున్నాను.

    జై తెలుగు తల్లి!
    జై తెలుగు తల్లి!!
    జై తెలుగు తల్లి!!!

    ------------------------------------------
    మాతెలుగు తల్లికీ మల్లెపూదండ -
    మాకన్నతల్లికీ మంగళారతులు -
    కడుపులో బంగారు, కనుచూపులో కరుణ,
    చిరునవ్వులో సిరులు దొరలించు మా తల్లి!
    ||మాతెలుగు తల్లికీ||
    గల గల గోదారి కడలి పోతుంటేను…
    బిర బిరా క్రిష్ణమ్మ పరుగులిడుతుంటేను…
    బంగారు పంటలే పండుతాయి!
    మురిపాల ముత్యాలు దొరలుతాయి!
    ||మాతెలుగు తల్లికీ||
    అమరావతీ నగర అపురూప శిల్పాలు -
    త్యాగయ్య గొంతులో తారాడు నాదాలు -
    తిక్కయ్య కలములో తియ్యందనాలు -
    నిత్యమై నిఖిలమై నిలిచియుండే దాక -
    మొల్ల కవితా శక్తి, మల్లమ్మ పతిభక్తి,
    తిమ్మరుసు ధీయుక్తి, కృష్ణరాయని కీర్తి -
    మాచెవుల రింగుమని మారుమ్రోగేదాక
    నీ ఆటలే ఆడుతాం! – నీ పాటలే పాడుతాం!
    ||మాతెలుగు తల్లికీ||
    రామప్ప గుడిలోని రమణీయ శిల్పాలు -
    గోపన్న గొంతులో కొలువైన రాగాలు -
    పాల్కుర్కి కలములో జాను తెనుగందాలు -
    పోతన్న కవన మందార మకరందాలు -
    రుద్రమ్మ భుజ శక్తి, దమ్మక్క హరి భక్తి,
    మాదన్న ధీయుక్తి, రుద్ర దేవుని కీర్తి -
    మా చెవుల రింగుమని మారుమ్రోగే దాక …
    నీ ఆటలే ఆడుతాం – నీ పాటలే పాడుతాం -
    జై తెలుగుతల్లి !
    జై తెలుగుతల్లి !!
    జై తెలుగుతల్లి !!!
    — *** —

    ప్రత్యుత్తరంతొలగించు
  2. శంకరంబాడి గారు ఈ పాటను దీనబంధు అనే 1942 సినిమా కోసం రాసారు. దీనిని (నాకు తెలిసి) చిత్తూరు నాగయ్యగారిపై చిత్రీకరించారు. ఆ మొదటి వీడియో కూడా (దొరికితే) యూట్యూబులో ప్రచురిస్తే బాగుంటుంది.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.