రామనామము పలుకవలెరా
రామునే పూజించవలెరా
రామచంద్రుని గొప్పచాటుచు
భూమిపై చరియించవలెరా
ఆలుబిడ్డలు నీకు చేసెడి
మేలుకలదో లేదొ తెలియదు
మేలుచేయును రామనామము
మిక్కిలిగ నిది యొకటె సత్యము
కూడబెట్టిన ధనము లన్నవి
కూర్చుమేలు ఋజువు తెలియదు
నేడు చేసే రామనామము
వేడుకగ రక్షించు సత్యము
కష్టములలో మిత్రమండలి
కావవచ్చునొ లేదొ తెలియదు
దుష్టువేళల రామనామము
కాచు నన్నది పరమసత్యము
త్రోవచూపవు కూటివిద్యలు
నీవు ముక్తిని పొందగోరిన
త్రోవచూపగ రామనామము
నీవు తరియించెదవు సత్యము
