మచ్చికతో రారా నా మనసులోనికి
నిన్నమొన్నటిది కాదు మననెయ్య మన్నది యది
యెన్నెన్ని జన్మములుగ నెడతెగనిదో కాని
చిన్నచిన్న యలుకలతో చెడునదా యది నేడు
పన్నుగాక విధి తంత్రము లెన్నైన గాని
నేను బుధ్ధిమంతుడనై నిన్నెన్ను కొంటినా య
నూనమైన ప్రేమతోడ పూని నీవే నను
జానకీమనోరమణ చక్కగా ఆదరించి
నీ నెయ్యము నిచ్చితివే నేడేల కినుక
భావాంబర వీధి నీవు ప్రకాశింపకున్న దినము
భావింపగ దుర్దినమే పరమపురుష రామా
రావయ్యా వేవేగమె రాజీవనయన యింక
నీవు నాకు ప్రసన్నుడవు కావయ్య దయతో
