ఇందుకేనా?

ఇలపై న న్నుండమన్న దిందుకేనా
కలకాలము చింతలతో నలుగుటకేనా

కలసిరాని మనుషులతో గడుపుటకేనా
గొలుసుకట్టుకడగండ్ల గుడువనేనా
అలసిసొలసి తుదకు నేల కలయుటకేనా
విలువలేని బ్రతుకు బ్రతికి వీడుటకేనా

అగుపడని నిన్నుపిలచి యలయుటకేనా
జగతిని నిర్భాగ్యుడనై జావనేనా
పగలురేలు యంత్రమువలె బ్రతుకుటకేనా
తగని చెడ్డబ్రతుకు బ్రతికి తరలుటకేనా

నను దీనుని చేసి జనులు నవ్వగనేనా
ఇనకులేశ నిరాదరణ యిందుకేనా
వనజేక్షణ నిరాశతో బ్రతుకుటకేనా
నిను బొందని బ్రతుకు బ్రతికి నీల్గుటకేనా