హరినామము పలికితివా
యానందము కలుగునుగా
మరి మరి యన్యములు తలచ
మనసు మలినమగునుగా
నిరంతరము హరినామము
నీనోటను పలుకనీ
పరమాత్ముని సుందరరూ
పము నెదలో నిండనీ
హరేరామ హరేకృష్ణ
యనుచు బ్రతుకు పండనీ
మరల మరల ధరను భవము
మాటయె లేకుండనీ
ధనకనకము లిచ్చు సుఖము
మనకెందుకురా పోనీ
వనితలతో తనయులతో
బంధసమితులె పోనీ
తనువు పైన బ్రతుకు పైన
తమకమేలరా పోనీ
మనకు రామనామ మొకటె
కనుగొన సర్వము కానీ
శ్రీరాముని భక్తులతో
చేరికయే కలుగనీ
శ్రీరాముని నామముతో
చింతలన్నియు తీరనీ
శ్రీరాముని కరుణవలన
ఆరాటము లణగనీ
శ్రీరాముడు భవములుడిపి
చేరదీసి ప్రోవనీ
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.