ఎరుక గలిగితే

 ఎరుక గలిగితే యెల్లతావులను 
    హరి పరమాత్ముడు ప్రత్యక్షం 
చరాచరంబుల నెల్ల వేళలను 
    సర్వాత్ముడు హరి ప్రత్యక్షం 

దేహధారులను పాత్రలతో హరి 
    దివ్య నాటకము సృష్టి యని
మోహము చెందక పాత్రను నిలచుట 
    బుద్ధిమంతుల కొప్పునని

హరేరామ యని హరేకృష్ణ యని 
    ఆనందముతో పలుకగను
హరికన్యంబగు నదియే లేదని 
    అంతరంగమున చక్కగను

మరపు లేక హరినామము పొందే 
    మనసును నిలుపుట కార్యమని
హరినామంబును హరియును నొకటే 
    యనుచు చక్కగా హృదయమున