నిన్ను పొగడ కెటులుందురా నీరేజనయన నీ
కన్నను నాప్తులెవరు నాకున్నారయ్య రామ
చాల చెడ్డవాడయ్యును జాతివైర ముండియును
నాలుకను పీకికొనును నాడు మారీచుడు
మేలిమివాక్యముల తోడ మిక్కిలిగా నినుపొగడ
చాల కుతూహలము చూప సద్భక్తుడ నయ్యును
వైరితమ్ముడయ్యు గూడ వచ్చి నిను శరణువేడి
ధారాళంబుగ పొగడడె దయామయా నిన్ను
కూరిమితో పగతునైన చేరదీయు నుదారుడవు
వారిజాక్ష నిన్నుపొగడి పరవశించ కుందునా
కోరి కొలుచుచుండు నట్టి కొతినొక బ్రహ్మనుగా
మారుచు దైవమవ నిన్ను మరిమరి పొగడనా
మారజనక నీకన్నను మహిమాన్వితు లెవ్వరురా
నోరారా నినుపొగడక యూరకండ వచ్చునా
