ఎవరి మాట లెటు లున్న

ఎవరి మాట లెటు లున్న నేది నీమాట నా

కెవరయ్యా నీకన్న నెక్కువ రామా

పవలురేలును నీదునామము వదలని వాడ ఈ

భువిని కాదా దివిని గూడను భూరికృపాళో ఓ

పవనసూనుసమర్చితం బును పరమపావనము ఈ

భవరుజాంతక మైన నామము వదలనే కాదా

పదుగు రాడెడు మాట చెల్లగ వచ్చునీ భువిని ఆ

పదుగురును నను తెగడి యెగ్గులు పలికితే నేమి ఓ

సదయ నీకృప నేను బడయగ జాలితి నేని నా

మదిని నిన్నే నమ్మియుంటిని మాటలాడవయా

ఎవరి మెప్పును కోరబోనే యెఱుగవా నీవు నే

నెవరి తప్పుల నెంచబోనే యెఱుగవా నీవు న

న్నెవరు మెచ్చిన మెచ్చకున్నను యించుకంతగ ఓ

భువనమోహన నీవుమెచ్చిన మురిసెదను గాదా