ఎంతచిత్రమో కదా యీసంగతి
వింతగా రామకథ విధి లిఖించె
గద్దె కెక్కవలెను రేపు వాడనగా తండ్రి
వద్దు వాడడవికి పోవలెననె పినతల్లి
ముధ్దులసతి మాటలకు మూర్చిల్లె జనపతి
సద్దుచేయ డడవులకు జనెను శ్రీరాముడు
వద్దు నాకు గద్దె యనుచు వచ్చి భరతు డడిగె
గద్దె నీది పాలించగ కడగుమనె రాముడు
పెద్దగ వాదించి యతడు విభుని యొప్పించెను
ముద్దుగ నీపాదుకలు భూమినేలు ననుచు
ముద్దరాలు సీత నెత్తుకపోయినట్టి రావణుని
పెద్దయనిని చంపి సతితి విడిపించె రాముడు
పెద్దలు బ్రహ్మాదు లంతట వెన్నుడవు నీవనిన
పెద్దగ నచ్చెరువుపొందె విభుడు శ్రీరాముడు
