హరిని చూడరే శ్రీహరిని చూడరే వాడు
ధరకు శ్రీరాముడై దయచేసెనే
హరిని చూడరే వా డందరి మేలుదలచి
నరుడై జీవించగ నడచివచ్చెనే
పరమాత్ముడై గూడ నరమాత్రుడాయెనా
హరిని తానన్నదే మరచి యుండునే
హరిని చూడరే వాడు సురవైరి గణముల
పరిమార్చి యసురేశు బట్టిచంపెనే
సరిసిజాసనుడు పొగడ శంకరుడు పొగడగ
నరుడ దాశరథి నని నగుచు బల్కెనే
హరిని చూడరే వాడు భక్తులందరకు నెపుడు
వరదుడై యుండునే పరమప్రీతితో
కరుణతో భక్తులకు కైవల్య మిచ్చునే
హరిని నేననుచు నగవు తెరల బల్కునే
