శివస్తుతి

భజే శంభు మీశాన మానంద కందం భజే సర్వలోకైకనాథం‌ మహేశం భజే పార్వతీవల్లభం‌ పాపనాశం భజే కామదం మోక్షదం శంకరం త్వం

భజే కాలకాలం ప్రపన్నార్తినాశం భజే యక్షరాజేంద్రమిత్రం పవిత్రం భజే వాయుభుంగ్మాలికాభూషితాంగం భజే కామదం మోక్షదం శంకరం త్వం

భజే సర్వలోకేశసంసేవ్య మూర్తిం భజే సర్వమౌనీంద్రసంచిత్య మూర్తిం భజే సాంబమూర్తిం సదాశాంతమూర్తిం భజే కామదం మోక్షదం శంకరం త్వం

భజే వేదవేదాంగసంస్తుత్య మూర్తిం భజే మౌనముద్రాస్థితం జ్ఞానమూర్తిం భజే ధ్యానమూర్తిం పరబ్రహ్మమూర్తిం భజే కామదం మోక్షదం శంకరం త్వం

భజే రుద్రమూర్తిం భజే భద్రమూర్తిం భజే ప్రాణమూర్తిం భజే విశ్వమూర్తిం భజే యోగమూర్తిం భజే లింగమూర్తిం భజే కామదం మోక్షదం శంకరం త్వం