ఏమయ్యా రామా యిదేమిటయ్యా

ఏమయ్యా రామా యిదేమిటయ్యా మ

మ్మేలుకొనగ తాత్సార మేలనయ్యా

ఎంతో మంచివాడవని యెఱుగుదుమయ్యా నీ

వెంతకును కనరా విదేమిటయ్యా ని

న్నెంతో నమ్మినామని యెఱుగవటయ్యా ఇం

కెంతకాల మోర్తుమో యినకులేశ్వరా

ఎంతో గొప్పవాడవని యెఱుగుదుమయ్యా ని

శ్చింతగ నీసన్నిధిలో చేరితిమయ్యా మ

మ్మింత నిరాదరణచేయు టెందుకయ్యా నీ

పంతములకు తాళలేము పతితపావనా

ఎంతో చక్కనివాడవని యెఱుగుదుమయ్యా ని

న్నెంతో ప్రేమతోడ సేవించెదమయ్యా నీ

వెంతచక్కగా భక్తుల నేలుకొందువో చూ

పింతువుగా నేడు మాకు ప్రియమారగా