అందరును నావారే యనుకొందును

అందరును నావారే యనుకొందును గో
విందుడా నీవెఱుగని విషయమే‌ మున్నది

ప్రతిదినమును నన్ను జూచి పలుకరించుచుండు వారు
సతతవినయ సంపన్నులు చాలదుర్వినీతులును
చతురులై దూరముగ జరిగి పలుకకుండు వారు
అతిశయముగ మెచ్చువారు నాగ్రహించి తిట్టువారు

నాకు గల రామభక్తి నటనమని నమ్మువారు
నాకు గల రామభక్తి నమ్మదగిన దనువారును
లోకజనుల నెవ్వరెట్లు లోలోపల నెంచినను
నాకెందుకు రామచంద్ర నీకు సమానమైనచో

నిన్ను దిట్టువారలను నీవు వైరభక్తు లనిన
నన్ను దిట్టువారలను నేను పరీక్షకులందును
నిన్నెఱిగిన వారెందరు నన్నెఱిగిన వారెందరు
వెన్నుడా భూమిజనుల విధ మిట్టులని యెఱిగి