పాడినందు కైనా

పాడినందు కైనా కూలి పడవేయ వయ్యా అంత
వేడినందు కైనా ముక్తి భిక్ష వేయ వయ్యా

ఎన్నెన్ని జన్మల నుండి ఎంతెంత సేవలు చేసి
నిన్ను మెప్పించి కూలి నీకడ దాచి
ఎన్నగ నీజన్మమెత్తి ఎన్ని పాటలనో పాడి
పన్నుగను నీకృపకు పాత్రుడ గానో

పాటలన్నీ నీదివ్యప్రభావమే చాటునట్టి
మాటలతో నిండెనేని మరి యవియైన
ఓటుపడ నీయక నాపాటలకు దగు రీతిని
దాటవేయ కుండగను దయచూపుమ

రామనామాంకితమై రాణించెడు పాటలకు
స్వామి యెంత వెలగట్టు నేమి కూలిని
ప్రేమతో నొసంగునో వేడుకతో చూడవలయు
భూమిజనులందరును రామా నేడు