శంక లేమీ వద్దురా సరగున బ్రోవరా
వంకలెన్న వద్దురా భక్తులమే లేరా
నీనామ మధురిమ నిరతమును చక్కగా
మానోట చవులూరు మాట నిజమేరా
యేనాడు నీకన్య మెన్ననే యెన్నమని
పూని వచించెదమిది పొల్లు కాదురా
జ్ఞానులము కామనుట సత్యమే కాని య
జ్ఞానులమును కామనుట సత్యమేనురా
మానక నీనామము మననము చేయుదుమని
జానకీవర ప్రతిన సలుపగలమురా
అలసించ వలదిక యమితదయాశాలి
జాలిబూన మాపై సమయమ్మిదేరా
కాలాత్మక రామా కాకుత్స్థ కులతిలక
మేలు దలచరా మమ్మేలుకోరా
