మమ్మేలు రాముడా మంచిదేవుడా

మమ్మేలు రాముడా మంచిదేవుడా సీ
తమ్మతో వేగ మాకు దరిసెన మీవే

చిరుచిరు నగవులు గల సీతారాముడా మాకు
వరములీయ వేగమే దరిసెన మీవే
కరుణామయి సీతమ్మా కష్టసుఖముల
నరసి మమ్ము పాలింప దరిసెన మీవే

సురలమొరలు వినెడు వాడ పరమపురుషుడా యీ
నరులమొరలు కూడ వినగ దరిసెన మీవే
ధరాసుతా రామ సహధర్మచారిణీ సీతా
పరమాత్మికా మాకు దరిసెన మీవే

చరాచరసృష్టి నెల్ల చక్కగ నేలే శ్రీ
కరుడ రామదేవుడా దరిసెన మీవే
పరమప్రేమస్వరూపిణీ వరదాయినీ మాకు
కరుణతో సీతా మాత దరిసెన మీవే