సీతారాములకు మీరు సేవచేయరే

సీతారాములకు మీరు సేవచేయరే సం

ప్రీతచిత్తు లగుచు సర్వవిధములుగను వేగ



సేవచేసి కీశేంద్రుడు చేకోనె సింహాసనము

సేవచేసి దైత్యేంద్రుడు చేకొనె గురుపీఠము

సేవచేసి యమరేంద్రుడు చెందె వాంఛితార్ధము

సేవ చేయు సత్ఫలము చేకూరును మీకును



సేవచేసి పక్షులైన చిరకీర్తిని బొందినవి

సేవచేసి యుడుత కూడ చెందె నెంతో ఘనత

సేవచేసి బ్రహ్మపదము చేకొనె నొక మర్కటము

సేవచేసి వైకుంఠము చేరగలరు మీరును



త్రోవజూపు తలిదండ్రుల సేవచేయ వలయును

సేవ సీతారాములకు చేయుటయే కర్తవ్యము

సేవించి నరుల నెవడు చెందగలడు మోక్షము

సేవింప దొరకొనుడు సీతారాములను